Лівійскія ўлады капітулявалі?
Урад Лівіі аб'явіў пра неадкладнае спыненне агню і заклікаў да пачатку дыялогу з паўстанцамі.
Як заявіў міністр замежных справаў Лівіі, урад прыняў гэтае рашэнне дзеля таго, каб абараніць мірных жыхароў, у сувязі з прыняццем Саветам бяспекі ААН рэзалюцыі, якая забараняе палёты над Лівіяй.
"Беручы пад увагу той факт, што Лівія — паўнавартасны сябра ААН, мы прымаем рэзалюцыю Савета бяспекі. Урад Лівіі аб'яўляе пра спыненне агню і ўсіх ваенных аперацый", — заявіў міністр Муса Куса.
Ён таксама запрасіў міжнародную супольнасць даслаць місію назіральнікаў для высвятлення сітуацыі ў Лівіі, перадае ВВС.
Фота: moyby.com
