Лукашэнка: Еўрасаюз і ЗША разгледзелі нашу міралюбную палітыку

Беларусь гатовая супрацоўнічаць з ЕС і ЗША, каб захаваць стабільнасць і бяспеку ў рэгіёне. З такой заявай выступіў Аляксандр Лукашэнка, прымаючы даверчыя граматы паслоў замежных дзяржаў.

Кіраўнік Беларусі паведаміў, што наша краіна мае рэпутацыю актыўнага барацьбіта за стабільнасць і бяспеку ў свеце. "Балазе, што і ў Еўрасаюзе, і ў Злучаных Штатах Амерыкі разгледзелі нашу міралюбную палітыку, пільна вывучылі яе і зрабілі выснову, што з Беларуссю трэба не проста супрацоўнічаць, а выкарыстоўваць Беларусь так, каб у нашым рэгіёне быў мір і парадак. Мы ў гэтым напрамку гатовыя працаваць", — перадае БЕЛТА словы беларускага кіраўніка.

Звяртаючыся да амбасадараў, Лукашэнка звярнуў увагу, што 2016 год у нашай краіне абвешчаны Годам культуры. Ён выказаў надзею, што дыпламаты знойдуць магчымасць бліжэй пазнаёміцца ​​з Беларуссю, яе прыродай, кліматам, культурнай спадчынай, гісторыяй.