Лукашэнка загадаў "на ўсю катушку" кантраляваць нядобранадзейныя сем'і

Па ўзроўні злачыннасці на адзінку насельніцтва Мінская вобласць займае першае месца па рэспубліцы (сярэдні ўзровень злачыннасці на 10 тысяч чалавек па Беларусі складае 70 злачынстваў, у Мінскай вобласці — 85). Аляксандр Лукашэнка звязвае крымінагенную абстаноўку з недастатковым кантролем нядобранадзейных сем'яў.

Паводле яго слоў, перадае БелТА, інфармацыя аб няшчасці ў сем'ях часцяком ігнаруецца. У выніку, пагрозы здароўю і жыццю дзіцяці не выяўляюцца своечасова.

"Я хачу, каб вы пачулі тое, што я сказаў, — заклікае Лукашэнка. — Не так шмат у раёне гэтых нядобранадзейных сем'яў. Гэтыя сем'і павінны быць у вас на кантролі. І з імі размова павінна быць да двух, нават не да трох. Спытайце на ўсю катушку".

У той жа час беларускі лідар адзначыў, што раней прымаліся жорсткія рашэнні ў рабоце з нядобранадзейнымі сем'ямі. Ён сказаў, што зараз недапушчальна аслабляць патрабаванні да іх выканання.

"Пытанні абароны падрастаючага пакалення павінны быць на пастаянным кантролі кіраўнікоў мясцовай улады любога рангу", — рэзюмаваў прэзідэнт.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.