Максіма Вінярскага арыштавалі на 12 сутак
Каардынатара "Еўрапейскай Беларусі" Фрунзенскі суд Мінску пакараў "за непадпарадкаванне міліцыі". Актывіст абвясціў сухую галадоўку.
Як перадае Радыё "Свабода", Максім Вінярскі запатрабаваў, каб да яго выклікалі хуткую дапамогу. Лекары, якія прыехалі ў суд, прызналі хлопца хворым і хацелі павецзі ў лякарню. Але суддзя Людміла Лапо забараніла гэта рабіць. На думку Вінярскага, гэта крымінальнае злачынства. Сам ён мяркуе, што яго хочуць ізаляваць напярэдадні Чарнобыльскага шляху.
Актывіста затрымалі некалькі чалавек у цывільным а 11-й гадзіне на вуліцы пасля наведвання крамы "Карона". Нядаўна Вінярскі адбыў 15-суткавы арышт. Па яго словах, перад вызваленнем супрацоўнік міліцыі прапанаваў яму часова з'ехаць з Мінску, пакуль пройдзе чэмпіянат свету па хакеі.
Фота — svaboda.org
