Марыю Колесаву-Гудзіліну пазбавілі статусу адвакаткі
Марыю Колесаву-Гудзіліну пазбавілі статусу адвакаткі. Пра гэта яна паведаміла ў Твітары.
"Скажу словамі Нэльсана Мандэлы: "Быць свабодным — значыць, не проста скінуць з сябе кайданы, але жыць, паважаючы і памнажаючы свабоду іншых". Так і жыву", — піша юрыстка.
Колесава-Гудзіліна стала вядомая найперш як адвакатка са спецыялізацыяй у аўтарскім праве. Пазней удзельнічала шмат у якіх палітычных працэсах. У прыватнасці, абараняла Эдуарда Пальчыса, Яўгена Юшкевіча, Дзмітрыя Папова.
Два тыдні таму яна не прайшла атэстацыю ў кваліфікацыйнай камісіі Мінюсту.
За апошнія два гады статусу адвакатаў былі пазбаўленыя каля 50 юрыстаў, якія ўдзельнічалі ў "палітычных" працэсах.
Все. Не адвокат. Коллеги приняли решение исключить меня из своих рядов.
— Mary Kolesova-Hudzilina (@kolesovahudz) May 10, 2022
Скажу словами Нельсона Манделы: "Быть свободным значит не просто скинуть с себя оковы, но жить, уважая и приумножая свободу других".
Так и живу. pic.twitter.com/uS5dl78GhJ
