Маскву зноў атакавалі беспілотнікі

У Расіі заявілі пра атаку дронаў на Маскву. У выніку яе пашкоджаны дзелавы цэнтр "Масква-Сіці", адзін чалавек атрымаў раненні.

Міністэрства абароны РФ абвінаваціла ў нападзе Украіну. Паводле інфармацыі ведамства, адзін беспілотнік быў знішчаны ў паветры сродкамі СПА над тэрыторыяй Адзінцоўскага раёна Маскоўскай вобласці. Яшчэ два беспілотнікі былі збітыя сродкамі радыёэлектроннай барацьбы і, нібыта страціўшы кіраванне, "пацярпелі крушэнне на тэрыторыі комплексу нежылых будынкаў Масква-Сіці". Трэба адзначыць, што ў гэтым комплексе знаходзяцца некалькі дзяржаўных ведамстваў.

Папярэдняя атака на Маскву адбылася 24 ліпеня.