Медыкі з МНПЦ хірургіі, транспланталогіі і гематалогіі выйшлі на пікет

У ланцуг салідарнасці супрацоўнікі Мінскага навукова-практычнага цэнтра хірургіі, транспланталогіі і гематалогіі выйшлі перад пачаткам працоўнага дня — іх можна было бачыць каля дарогі на вуліцы Сямашкі, дзе знаходзіцца МНПЦ, у раёне 7.30.

Такім чынам медыкі вырашылі падтрымаць студэнтаў БДМУ і калегаў, якія былі затрыманы ў суботу каля 1 гарадской клінічнай бальніцы, паведамляе телеграм-канал медыцынскай супольнасці.

Медыкі трымалі ў руках халаты, на якіх былі напісаны прозвішчы затрыманых калег, а таксама патрабаванне вызваліць іх.

7 лістапада насупраць 1-й гарадской клінічнай бальніцы ў Мінску павінен быў прайсці мітынг дактароў. Аднак як толькі медыкі выйшлі, іх пачалі затрымліваць. У РУУС павезлі больш за 50 чалавек. Частку з іх потым выпусцілі, частку адправілі да суда ў ІЧУ на Акрэсціна.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.