Медыя паведамляюць, што каля Мар'інай Горкі перакулілася маршрутка
У мікрааўтобусе знаходзілася 15 пасажыраў
Паводле папярэдніх звестак, два пасажыры рэйсавага мікрааўтобуса пацярпелі сёння раніцай у ДТЗ у Пухавіцкім раёне. Пра гэта паведамляе адзін з рэгіянальных тэлеграм-каналаў.
У раёне 07:20 на 51-м кіламетры аўтадарогі М5 "Мінск — Гомель" кіроўца "Нёмана" не справіўся з кіраваннем і з'ехаў у кювет. Аўтобус перакуліўся. Ён ехаў з Мар'інай Горкі ў Мінск. У салоне знаходзілася 15 пасажыраў.
Тых, хто пацярпеў у выніку ДТЗ, даставілі ў бальніцу.
Мікрааўтобус "Нёман" ішоў па маршруце Мар'іна Горка — Мінск
