Мінчука затрымалі за кнігу ўспамінаў салдата вермахта, набытую ў краме
Супрацоўнікі ГУБАЗіКа затрымалі мінчука Багдана Вераса за кнігу, пішуць праваабаронцы "Вясны".
Сілавікі патлумачылі затрыанне тым, што раней хлопец купіў у адной з мінскіх крамаў кнігу ўспамінаў Ганса Кіншэрмана "Крывава-чырвоны снег. Запіскі кулямётчыка вермахта". Фактычна, гэта дзённік салдата, які ваяваў у тым ліку пад Сталінградам.
Дарэчы, у Рэспубліканскім спісе экстрэмісцкіх матэрыялаў гэтай кнігі няма.
