Міністр абароны сабраў кіраўнікоў абласцей і сталіцы ў адным кабінеце
Міністр абароны Беларусі Віктар Хрэнін сабраў кіраўнікоў абласцей і сталіцы ў адным кабінеце. Як паведамляе прэс-служба Мінабароны, на базе навучальнага цэнтра 6-й асобнай механізаванай брыгады на Гродзеншчыне для іх праводзяць штогадовы збор на тэму ваеннай бяспекі і абароны дзяржавы. У ім удзельнічаюць і ваенныя камісары з Мінска і рэгіёнаў.
Адзначаецца, што мэта збору — павышэнне ўзроўню ведаў "у пытаннях сучасных дзеянняў войскаў у сучасных ваенных канфліктах". Таксама яны будуць "удасканальваць навыкі ў дзеяннях пры зброі". Асаблівая ўвага будзе нададзена тэрытарыяльнай абароне, выкарыстанню яе падраздзяленняў сумесна з вайсковымі часткамі і памежнікамі для абароны мяжы. Гаворка пойдзе і пра дзеянні падчас вайсковага становішча. На палігоне Гожскі будзе дэманстрацыя "ліквідацыі незаконнага ўзброенага фармавання".
"Калі хочам жыць мірна, трэба сапраўды рыхтавацца да вайны", — сказаў у чацвер Аляксандр Лукашэнка падчас сустрэчы з дзяржсакратаром саюзнай дзяржавы Рыгорам Рапотам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
