Міністр інфармацыі падлічыў, колькі інтэрнэт-рэсурсаў прызналі "экстрэмісцкімі"
Інтэрнэт, ілюстрацыйнае фота / pixabay.com
Больш за пяць тысяч інтэрнэт рэсурсаў у Беларусі прызнаныя экстрэмісцкімі. Пра гэта заявіў міністр інфармацыі Марат Маркаў.
"На гэты момант прынятая пастанова аб абмежаванні доступу да амаль 14 тысяч інтэрнэт-рэсурсаў, з якіх больш за 5 тысяч былі прызнаныя экстрэмісцкімі", — прыводзіць словы чыноўніка расійскае інфармагенцтва Sputnik.
Маркаў расказаў, што са студзеня 2015-га па студзень 2020 года ў Беларусі доступ быў абмежаваны толькі да 400 рэсурсаў. А ўсё астатняе рэжым Лукашэнкі забараніў за час ад студзеня 2020-га па верасень 2024-га.
Падпіскі на "экстрэмісцкія" рэсурсы ў Беларусі пагражаюць судом і арыштам.
