Мінскае роварнае таварыства кожны чацвер будзе весці сацсеткі па-беларуску

Мінскае роварнае таварыства раз на тыдзень будзе пераходзіць у сацсетках на беларускую мову. Гэтага ў МРТ папрасілі самі падпісчыкі сацсетак. У суполцы “УКантакце” прагаласавалі паўтары сотні чалавек, “за” — 80%. У суполцы ў фэйсбуку адзначыліся тры дзясяткі чалавек, “за” — адзінагалосна.

Мабыць, беларускамоўны допіс будзе з’яўляцца ў чацвяргі: такую прапанову з хэштэгам #чыстамоўнычацвер вылучыла гомельская вела- і палітычная актывістка Святлана Кароль. Яна ж падала ідэю першага допісу: пераклад на беларускую мову верша Мікалая Рубцова “Букет”:

Я буду гнаць

Свой ровар пад гару,

Яго спыню на поплаве між траў.

Нарву букет —

І кветкі падару

Дзяўчыне, што аднойчы пакахаў.

Еўрарадыё, дарэчы, вядзе свае сацсеткі па-беларуску кожны дзень. Падпісвайцеся на нас:

ТГ: https://t.me/euroradio 

ФБ: https://www.facebook.com/euroradio.fm/ 

УК: https://vk.com/euroradio 

ОК: https://ok.ru/euroradio 

інстаграм: https://instagram.com/euroradio

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.