Можа вырашыцца праблема з атрыманнем добраахвотнікамі ўкраінскага грамадзянства
Украінскі пашпарт / УНІАН
Нарэшце можа вырашыцца праблема з атрыманнем беларускімі добраахвотнікамі ўкраінскага грамадзянства. 22 студзеня стала вядома, што прэзідэнтам Украіны Уладзімірам Зяленскім у Вярхоўную Раду будзе ўнесены законапраект, які дазваляе ўвядзенне інстытута множнага грамадзянства, паведамляе hromadske.ua.
Зяленскі падкрэсліў, што новаўвядзенне дапаможа атрымаць грамадзянства ўкраінцам, якія ў розны час і з розных прычын пакінулі радзіму (акрамя тых, хто жыве ў "краіне-агрэсары"), а таксама замежным добраахвотнікам, якія абараняюць Украіну ад расійскіх акупантаў.
Ва Украіне ў складзе розных падраздзяленняў супраць РФ ваююць сотні беларусаў.
