Мясніковіч гаварыў пра "вялікую перазагрузку" адносін паміж Беларуссю і ЗША
Прэм'ер-міністр Беларусі зрабіў гэтую заяву ў Нью-Ёрку на адкрыцці першага Беларуска-амерыканскага інвестыцыйнага форума.
"Я шчыра веру ў тое, што, магчыма, з пачаткам гэтага мерапрыемства і шэрагу вялікіх мерапрыемстваў палітычнага характару, якія ініцыявала Беларусь, у тым ліку ў галіне мірнага ўрэгулявання канфлікту ва Украіне, у нас будзе вялікая перазагрузка адносінаў паміж Беларуссю і ЗША", — цытуе словы Міхаіла Мясніковіча БЕЛТА.
Мясніковіч паабяцаў, што беларускі бок зробіць усё магчымае, каб Беларусь стала найлепшым месцам для рэалізацыі праектаў амерыканскіх інвестараў.
