На Фларыду насоўваецца чарговы магутны ўраган
У чаканні стыхіі / Reuters
На Фларыду насоўваецца чарговы магутны ўраган — "Мілтан". Ён можа стаць адным з самых разбуральных за ўсю гісторыю назіранняў. Дагэтуль такім лічыўся ўраган "Хелен", які абрынуўся на Фларыду ў верасні.
Ураган пройдзе па цэнтральнай Фларыдзе з захаду на ўсход. "Мілтан" захоўвае сілу 5-й катэгорыі. Па прагнозах ён аслабее перад тым, як дасягне сушы, але вырасце ў памерах і можа закрануць вялікую тэрыторыю.
Улады аб'явілі маштабную эвакуацыю. Свае дамы абавязаныя пакінуць больш за 5 мільёнаў чалавек.
Прэзідэнт ЗША Джо Байдэн адклаў запланаваныя паездкі, у тым ліку ў Германію. Праз гэта адкладзены саміт па Украіне.
Reuters
