На Мінскай сесіі Парламенцкай асамблеі АБСЕ не будзе рэзалюцыі па Беларусі
На Мінскай сесіі Парламенцкай асамблеі АБСЕ не будзе рэзалюцыі па Беларусі. Яе праект унесла літоўская дэлегацыя, аднак пастаянны камітэт асамблеі яго не падтрымаў, інфармуе партал tut.by.
Сесія ПА АБСЕ ўпершыню праходзіць у нашай краіне. Яе ўрачыстае адкрыццё адбудзецца ў 15.30 у сераду, 5 ліпеня. На ім з прамовай выступіць Аляксандр Лукашэнка.
Як стала вядома, у літоўскай рэзалюцыі прапаноўвалася заклікаць улады Беларусі рэабілітаваць палітзняволеных, увесці мараторый на смяротнае пакаранне, правесці рэформу выбарчай сістэмы, забяспечыць празрыстасць будаўніцтва Астравецкай АЭС.
