На МКАД Audi пратараніла паламаную Renault, пацярпела дзяўчына
На ўнутраным кальцы МКАД аўтамабіль Audi пратараніў Renault, якая стаяла ў другім шэрагу. У аварыі сур'ёзна пацярпела 23-гадовая дзяўчына.
ДТЗ адбылося каля 11:00 2 ліпеня. 36-гадовы кіроўца Audi рухаўся з боку Ігуменскага тракту ў напрамку вуліцы Кіжаватава. У гэты час на праезнай частцы знаходзілася дзяўчына — кіроўца Renault, у якой зламаўся аўтамабіль. Янa выставіла знак аварыйнага спынення і стала чакаць дапамогі.
У выніку аварыі дзяўчына шпіталізаваная з цяжкімі траўмамі.
"У салоне Renault знаходзілася знаёмая дзяўчыны-вадзіцеля, а ў другім аўтамабілі кіроўца з жонкай, якія не пацярпелі", — паведаміла афіцыйны прадстаўнік СК па горадзе Мінску Марына Дранькова.
Следчы камітэт пачаў крымінальную справу за парушэнне правілаў дарожнага руху, што пацягнула па неасцярожнасці прычыненне цяжкага цялеснага пашкоджання. Праводзяцца следчыя дзеянні, прызначаныя аўтатэхнічная і судова-медыцынская экспертызы.
Усіх відавочцаў здарэння просяць звярнуцца па тэлефонах: 8 (033) 333-67-19, 8 (017) 389-54-06 або ў аператыўна-дзяжурную службу УСК па Мінску: 8 (017) 389-55-55.
