На рамонт помніка Леніну ў Магілёве выдаткуюць 72 тысячы долараў
На рамонт помніка Леніну ў Магілёве мясцовыя ўлады выдаткуюць 160 742 рублі (72 тысячы долараў). Цяпер шукаецца генпадрадчык для выканання працаў. На сайце дзяржзакупак абвешчаныя таргі.
Помнік Леніну стаіць каля будынка Магілёўскага аблвыканкама больш за 60 гадоў. Яго рыхтуюць да 150-годдзя з дня нараджэння правадыра бальшавіцкай партыі. Працы мусяць быць скончаныя ў красавіку.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
