На Віцебшчыне дэсантнік выратаваў калегу падчас прызямлення на парашутах
У Шумілінскім раёне Віцебшчына на тактычных вучэннях з 103-й асобнай гвардзейскай паветрана-дэсантнай брыгадай падчас дэсантавання з самалёта Іл-76МД адбылося надзвычайнае здарэнне. Як паведамляе прэс-служба Міністэрства абароны, вайсковец дэсантна-штурмавой роты 38-й асобнай гвардзейскай дэсантна-штурмавой брыгады гвардыі радавы Дзмітрый Страчук выратаваў жыццё свайму таварышу гвардыі радавому Яўгену Жарскаму.
На вышыні каля 80 метраў ад рэзкага парыву ветру сышліся разам парашутысты. У радавога Жарскага пагас купал. Тады Страчук схапіў рукамі згаслы асноўны купал парашута таварыша, і яны абодва паспяхова прызямліліся.
Камандуючы сіламі спецыяльных аперацый Узброеных Сіл генерал-маёр Вадзім Дзенісенка высока ацаніў прафесійныя дзеянні вайскоўца.
