Нацыянальны банк Беларусі прыняў шэраг рашэнняў у галіне працэнтнай палітыкі. Адзначаецца, што яны накіраваны "на фармаванне ў эканоміцы ўзроўню працэнтных ставак, якія забяспечваюць фінансавую і макраэканамічную стабільнасць, замаруджванне інфляцыі, а таксама баланс інтарэсаў укладчыкаў і пазычальнікаў".

З 9 студзеня стаўка рэфінансавання ў Беларусі павялічваецца на 5 працэнтных пунктаў і складзе 25% гадавых. З 14 студзеня працэнтныя стаўкі па пастаянна даступных і двухбаковых аперацыях падтрымкі ліквіднасці банкаў зніжаюцца з 50 да 40% гадавых, стаўка па дэпазітах авернайт павышаецца да 20% гадавых.

Пры гэтым з 9 студзеня 2015-га верхняя мяжа працэнтных ставак па дэпазітах юрыдычных асоб зніжаецца з 50 да 40% гадавых. Верхняя мяжа па рублёвых укладах фізічных асоб пакуль захоўваецца на ўзроўні 50%, але па меры далейшай стабілізацыі сітуацыі таксама будзе змяншацца.

Цалкам пастанову Нацбанка можна паглядзець тут.

У Беларусі з 9 студзеня адмяняецца збор пры пакупцы валюты насельніцтвам

Фота: Fotolia