Нацбанк зніжае норму абавязковага продажу валютнай выручкі да 40%
Папярэднія два месяцы прадпрыемствы мусілі прадаваць 50% валютнай выручкі.
Нацбанк прыняў рашэнне знізіць норму абавязковага продажу валютнай выручкі, якая паступае ў краіну, да 40%, перадае БЕЛТА. Адпаведную пастанову №84 галоўны банк краіны прыняў 19 лютага. Яна набывае моц 25 лютага.
Дагэтуль норма абавязковага продажу валютнай выручкі была на ўзроўні 50%. Яна была ўведзеная 19 снежня 2014 года, калі пачаліся праблемы на валютным і фінансавым рынках Беларусі, а курс рубля знізіўся амаль на 30%.
Фота — tut.by
