Пад Мінскам раварыстка трапіла пад колы аўтамабіля

Пад Мінскам раварыстка трапіла пад колы аўтамабіля. Як перадае БЕЛТА са спасылкай на Мінскую раённую ДАІ, здарэнне адбылося сёння, 7 ліпеня, каля 11.40 на дарозе Р-28 Мінск — Маладзечна — Нарач.

Група раварыстаў ехала па ўзбочыне дарогі — гэта былі падлеткі і маладыя людзі ва ўзросце 13 — 22 гадоў.  Адна з дзяўчат у складзе гэтай групы раптам упала з ровара перад аўтамабілем “Мерседэс” і трапіла на праезную частку, таму машына здзейсніла наезд на раварыстку.

Пацярпелую адвезлі ў лякарню з цялеснымі пашкоджаннямі. Цяпер інспектары ДАІ і следчыя высвятляюць абставіны здарэння.