Памочніцу праваабаронцы Судаленкі адпусцілі пасля трох сутак затрымання
У Гомелі пасля 72 гадзін затрымання на волю выйшла валанцёрка мясцовага аддзялення праваабарончага цэнтра "Вясна" (зачыненага ўладамі) Марыя Тарасенка.
Яе затрымалі 18 студзеня, як і праваабаронцу Леаніда Судаленку, якому яна дапамагала. Яго, дарэчы, пакінулі пад вартай яшчэ на 10 дзён і перавялі ў СІЗА, паведамляе ТГ-канал "Вясны". Судаленку падазраюць у фінансаванні дзеянняў, якія груба парушаюць грамадскі парадак (арт. 342 КК). Падставай стала тое, што Судаленка як праваабаронца дапамагаў беларусам аплочваць штрафы за ўдзел у пратэсных акцыях.
Праваабаронцы прызналі Судаленку і Тарасенку палітвязнямі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
