Памёр расійскі спявак Дзмітрый Хварастоўскі
Памёр расійскі оперны спявак Дзмітрый Хварастоўскі. Пра гэта агенцтву РБК паведаміў народны артыст Расіі Іосіф Кабзон. Таксама ў сацсетках пра смерць спевака паведаміў Дзмітрый Малікаў. Хварастоўскаму было 55 гадоў.
Паводле звестак Кабзона, спявак памёр у Швейцарыі. Паводле інфармацыі Малікава, гэта адбылося ў Лондане.
У 2015 годзе з'явіліся звесткі, што ў Хварастоўскага выявілі пухліну мозгу. Тады ў яго былі адмененыя некалькі канцэртаў.
