Памёр стваральнік мультфільмаў пра ката Леапольда
У Германіі ў горадзе Золінген памёр стваральнік мультфільмаў пра ката Леапольда рэжысёр Анатоль Рэзнікаў. Яму было 77 гадоў, інфармуе ТАСС. У савецкія часы Рэзнікаў быў адзначаны дзяржаўнай прэміяй за творы літаратуры і мастацтва для дзяцей. Агулам ён з’яўляецца аўтарам больш за 40 мультфільмаў. Акрамя серыі пра ката Леапольда, вядомасць Анатолю Рэзнікаву прынёс мультфільм “Раз каўбой, два каўбой”.
Адзначаецца, што ў апошнія гады рэжысёр анімацыйных карцін цяжка хварэў, у Германіі ён праходзіў курс лячэння.
