Панама аштрафавала карабель з Паўночнай Карэі на 1 мільён долараў
У ліпені судна перахапілі з партыяй ваеннай тэхнікі на борце. Прычынай для штрафу стала небяспека, якую такі груз уяўляе для Панамскага канала.
Як піша "РИА "Новости", паўночнакарэйскі карабель "Чхончханган" ("Chong Chon Gang"), што плыў з Кубы, спынілі для дагляду на прадмет кантрабанды. Па дакументах ён вёз груз цукру.
Улады Панамы знайшлі на судне выбуховыя рэчывы і боепрыпасы. Кубінцы заявілі, што "Чхончханган" перавозіць састарэлую зброю, у тым ліку зенітна-ракетныя комплексы, ракеты, два самалёты і рухавікі.
650 тысяч долараў уладальнікі карабля абавязаныя заплаціць да таго, як яму дазволяць пакінуць Панамскі канал. Памер штрафу можа зменшыцца пасля апеляцыі.
Фота: Reuters.
