Парыжскі манетны двор атрымаў 220 запытаў на замену медалёў Алімпіяды-2024

Парыжскі манетны двор атрымаў 220 запытаў на замену медалёў Алімпіяды-2024. Справа ў тым, што некаторыя ўзнагароды атрымаліся з дэфектам і пачалі іржавець ужо на другі месяц пасля заканчэння гульняў.

"Працэс замены працягваецца ў адпаведнасці з просьбамі спартоўцаў. Са жніўня 2024 года мы зрабілі ўсё магчымае, каб забяспечыць замену медалёў", — гаворыцца ў афіцыйнай заяве.

Кожны медаль Алімпіяды ў Парыжы ўключае кавалачак металу з Эйфелевай вежы. Візуальна новыя ўзнагароды не адрозніваюцца ад тых, што былі ўручаныя першапачаткова. Хаця, каб забяспечыць большую трываласць, спецыялісты манетнага двара выкарыстоўваюць дадатковы ахоўны лак.

Пакуль збракаваныя медалі складаюць 4% ад больш за 5 тысяч узнагародаў, сумарна заваяваных падчас Алімпіяды і Паралімпіяды ў Парыжы.