Пецярых беларусаў эвакуявала з Лівіі Мінабароны Ўкраіны
Пяцёра беларускіх грамадзянаў былі эвакуяваныя з Лівіі на самалёце Міністэрства абароны Ўкраіны 26 лютага ўвечары.
Як паведаміла прэс-служба ўкраінскага МЗС, а 22.00 паводле кіеўскага часу, які супадае зь мінскім, самалёт Іл-76 выляцеў з Трыпалі ў Кіеў. Агулам гэтым рэйсам вывезлі 185 чалавек, у тым ліку 122 грамадзяніна Ўкраіны, а таксама 63 чалавекі з іншых краінаў, пераважна былых савецкіх рэспублік.
Паводле папярэдняй інфармацыі, на момант пачатку эскалацыі напружанасці ў Лівіі знаходзілася болей за сотню беларускіх грамадзянаў, паведамляе БелаПАН са спасылкай на беларускі МЗС.
