Першая жанчына-прэзідэнт Мексікі прыняла прысягу
Клаўдыя Шэйнбаўм / bild.de
Першая жанчына-прэзідэнт Мексікі Клаўдыя Шэйнбаўм прыняла прысягу. 62-гадовая прафесар у галіне біяінжынерыі, якая стала палітыкам, прымае краіну з шэрагам неадкладных праблем (велізарны дэфіцыт бюджэту, незавершаныя будаўнічыя праекты і шмат іншага), паведамляе "Голас Амерыкі".
Шэйнбаўм атрымала перамогу ў чэрвені, набраўшы амаль 60% галасоў, шмат у чым дзякуючы ўстойлівай папулярнасці яе палітычнага настаўніка і папярэдніка Андрэса Мануэля Лопеса Абрадора. Яна паабяцала працягнуць усю яго палітыку.
Клаўдыя Шэйнбаўм — першы прэзідэнт Мексікі з габрэйскімі каранямі. Сям'я яе бацькі прыехала ў Мексіку з Літвы ў 1920-я, а маці эмігравала ў Паўднёвую Амерыку з Балгарыі, ратуючыся ад нацыстаў.
