Першы энергаблок БелАЭС уключаны ў сетку
Беларуская АЭС / Еўрарадыё
Першы энергаблок Беларускай АЭС 9 лістапада ў 12:33 уключаны ў сетку. Як паведамляе прэс-служба Мінэнерга, гэта адбылося "пасля завяршэння планавых рэгламентных работ і дадатковых выпрабаванняў".
Магутнасць АЭС цяпер складае 400 МВт. Ідзе паступовае яе павелічэнне.
"У адпаведнасці з праграмай выпрабаванняў эксплуатацыя блока бліжэйшым часам будзе ажыццяўляцца на розных узроўнях магутнасці", — кажуць у Мінэнерга.
Як распавядала Еўрарадыё, першы энергаблок БелАЭС быў адключаны 25 красавіка — больш як паўгода таму. Пры гэтым заяўлялася, быццам гэта планава-папераджальны рамонт, які праводзіцца на АЭС штогод.
