Польшча і краіны Балтыі блакавалі дзявяты пакет санкцый ЕС супраць Расіі
ЕС не можа прыняць дзявяты пакет санкцый супраць Расіі / pixabay.com
Краіны ЕС не змаглі дамовіцца пра дзявяты пакет санкцый супраць Расіі падчас перамоваў у сераду, перадае Радыё "Свабода". Пярэчанні выказваюць пераважна Польшча і краіны Балтыі.
Прыняццё новых санкцый тармозіцца рознагалоссямі наконт таго, ці павінен ЕС аблегчыць экспарт расійскіх угнаеньняў праз еўрапейскія парты нават тады, калі кампаніі-вытворцы належаць алігархам, унесеным у санкцыйныя спісы.
Некаторыя краіны заяўляюць, што новыя абмежаванні пагражаюць харчовай бяспецы. Іншыя настойваюць, што аслабленне патрабаванняў дазволіць расійскім алігархам, якія валодаюць прадпрыемствамі па вытворчасці ўгнаеньняў, абыходзіць еўрапейскія санкцыі.
Польшча і краіны Балтыі пераконваюць іншых, што раійскія алігархі абавязкова скарыстаюцца аслабленнем санкцый для ўгнаенняў, каб абыходзіць іншыя забароны.
Прадстаўнікі Беларусі ў гэтым пакеце санкцый не фігуруюць.
