Польшча высылае больш за 40 расійскіх дыпламатаў
Амбасада Расіі ў Варшаве / РАР
Больш за 40 расійскіх дыпламатаў могуць выслаць з Польшчы, піша выданне Оnet са спасылкай на свае крыніцы ва ўрадзе.
Афіцыйнай прычынай будзе названая "дзейнасць, несумяшчальная са статусам дыпламата". Іншымі словамі, іх вышлюць "за шпіянаж", адзначае выданне.
Сёння раніцай у МЗС Польшчы выклікалі расійскага пасла Сяргея Андрэева. І гэтае пытанне — пра высылку дыпламатаў — таксама гучала, сцвярджае выданне.
Тым часам амбасада РФ у Польшчы пацвердзіла выклік амбасадара ў МЗС краіны, але адмовілася каментаваць звесткі пра высылку дыпламатаў. Пра гэта паведамляе ТАСС.
Пазней з'явілася і афіцыйнае пацверджанне высылкі расійскіх дыпламатаў.
