Польскія спецслужбы разбяруцца: Азараў расказаў пра "містара Х" у BELPOL
![Агент](/sites/default/files/styles/gallery_main/public/2023-12/observe-3539810_1920.jpg.webp?itok=oIEXb1YZ)
Агент / pixabay
Прадстаўнікі арганізацыі экс-сілавікоў BYPOL звярнуліся ў польскую паліцыю з заявамі пра злачынствы, нібыта ўчыненыя некаторымі прадстаўнікамі арганізацыі BELPOL, кажа Аляксандр Азараў у эфіры Еўрарадыё.
— Цяпер ідзе расследаванне крымінальных спраў. Нам пра гэта забаронена гаварыць, гэта таямніца следства. Мы можам паведаміць толькі, што следства ідзе. А вынікі будзе абвяшчаць польскі бок — альбо дасць нам дазвол абвясціць іх.
Чаму мы паведамляем пра гэта цяпер [да завяршэння следства. — Еўрарадыё]? Мы адказваем на пытанні беларусаў, якія паступалі ў наш адрас з пачатку чэрвеня, з пачатку ўзнікнення сітуацыі [расколу ўнутры арганізацыі. — Еўрарадыё].
BYPOL апублікаваў расследаванне пра агента КДБ у кіраўніцтве BELPOL. А сёння прадстаўнікі арганізацыі Аляксандр Азараў і Станіслаў Лупаносаў прыйшлі ў эфір Еўрарадыё. Яны паспрабавалі растлумачыць Змітру Лукашуку, чаму не сталі чакаць расследавання польскіх спецслужбаў і "намякнулі" беларусам на агента.
Азараў кажа, ён сутыкаўся з абвінавачаннямі ў тым, што "пакрывае агентуру" — прасцей кажучы, ведае пра тое, хто агент у шэрагах дэмсіл, але не кажа.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.