Праймерыз зламаліся — рамантаваць ці выкідаць на палітычны сметнік?
З працэдуры абрання адзінага кандыдата ад апазіцыі выйшлі ўжо два прэтэндэнты — Павел Севярынец і Аляксей Янукевіч. Але тры прэтэндэнты з пяці ад ідэі праймерыз не адмаўляюцца. І хоць паездкі па рэгіёнах з-за каранавіруса яны прыпыняюць, але ўжо анансавалі электроннае галасаванне.
Ці ёсць сэнс працягваць гульні з абраннем адзінага, калі спіс прэтэндэнтаў скараціўся амаль на палову? Чаму кааліцыя, насуперак абяцанням, не здолела пратрымацца нават да завяршэння працэдуры праймерыз? Ці будзе ў выбарцаў цікавасць да такой “абрэзанай” кааліцыі?
На гэтыя ды іншыя пытанні ў жывым эфіры Еўрарадыё адказваюць сустаршыня аргкамітэта па стварэнні партыі Беларуская хрысціянская дэмакратыя незалежны прэтэндэнт на званне адзінага кандыдата ад апазіцыі Вольга Кавалькова і першы намеснік старшыні БСДП (Грамада) Аляксей Сігаеў.
