Пры ДТЗ з п'яным кіроўцам у Гомелі жанчына выпала з машыны
Пры аўтааварыі ў Гомелі жанчына выпала з машыны і атрымала траўмы. Падрабязнасці здарэння агенцтву БЕЛТА распавялі ва УДАІ УУС Гомельскага аблвыканкама.
ДТЗ адбылося 30 ліпеня каля 22.30. Паводле звестак ДАІ, нецвярозы кіроўца-бяспраўнік ехаў на аўтамабілі "Фальксваген Пасат" па крайняй правай паласе. Ён не справіўся з кіраваннем і наехаў на бардзюр. Пры гэтым адчыніліся пярэднія правыя дзверы, з аўто вывалілася 39-гадовая пасажырка, не прышпіленая рамянём бяспекі.
Жанчына атрымала траўмы і была шпіталізаваная.
