Пуцін падпісаў указ аб прызнанні Крыма незалежнай дзяржавай
Дакумент набывае моц ад моманту яго падпісання.
"Улічваючы волевыяўленне народаў Крыма на агульнакрымскім рэферэндуме, які адбыўся 16 сакавіка 2014 года, прызнаць Рэспубліку Крым, у якой горад Севастопаль мае асаблівы статус, у якасці суверэннай і незалежнай дзяржавы", — цытуе ўказ расійскага прэзідэнта РІА "Новости".
Як вядома, практычна ўвесь свет не прызнаў вынікаў рэферэндума, які прайшоў у Крыме (нібыта, амаль 97% выказаліся да далучэнне да Расіі). ЕС заклікала Маскву не ўключаць Крым у склад Расіі.
Тым часам, стала вядома, што а 14-й гадзіне ў аўторак Уладзімір Пуцін выступіць у Крамлі наконт магчымага прыёму Крыма ў склад Расійскай Федэрацыі.
Фота — ria.ru
