Пётр Ялфімаў запісваецца ў расійскай рок-оперы з экс-вакалістам "Арыі"

Як паведамляе KM.RU, да праекта далучыўся ўдзельнік папулярнага шоў "Голас", беларускі выканаўца Пётр Ялфімаў. Музыкі "Эпідэміі" ўпэўненыя, што майстэрства і вакальная харызма гэтага выканаўцы ўзбагацяць музычную палітру рок-оперы.

У 2009 годзе Ялфімаў стаў пераможцам нацыянальнага адборачнага конкурсу Беларусі на ўдзел у "Еўрабачанні". Аднак у паўфінале конкурсу еўрапейскай песні ён заняў толькі 13-е месца і выбыў з далейшай барацьбы. У 2013 годзе спявак стаў удзельнікам другога сезона расійскага шоў талентаў "Голас". Ён увайшоў у каманду Леаніда Агуціна і дайшоў да чвэрцьфіналу.

Раней стала вядома, што ў запісе рок-оперы прымае ўдзел экс-вакаліст гурта "Арыя" Артур Беркут.

Канцэртная прэзентацыя рок-оперы "Скарб Эніі" адбудзецца 26 красавіка ў маскоўскім клубе Stadium Live.

Фота — bymedia.net