Расія хоча вырабляць у Беларусі вакцыну ад COVID-19 для жывёл
Вытворчасць вакцыны ад каранавіруса для жывёл можа быць арганізаваная ў Віцебску / pixabay.com
Рассельгаснагляд можа арганізаваць на беларускіх прадпрыемствах вытворчасць вакцыны ад COVID-19 для жывёл, перадае агенцтва ТАСС са спасылкай на дарадцу кіраўніка ведамства Юлію Мелана.
У якасці магчымай пляцоўкі разглядаецца віцебскае прадпрыемства "БелВітуніфарм", якое займаецца вытворчасцю ветпрэпаратаў.
Пытанне абмяркоўвалася 18 траўня падчас відэаканферэнцыі з удзелам прадстаўніка Рассельгаснагляду, распрацоўшчыка вакцыны і кіраўніцтва віцебскага прадпрыемства.
Цяпер у Расіі вырабляецца да 3 мільён доз вакцыны для жывёл у месяц. І гэтыя магчымасці цалкам перакрываюць унутраны попыт.
"Разам з тым цікавасць з боку замежных дзяржаў да расійскага прафілактычнага прэпарату прыкметна расце, што не выключае ў будучыні неабходнасць арганізацыі дадатковых пляцовак вытворчасці вакцыны, у тым ліку на базе беларускай фармкампаніі", — адзначыла Мелана.
Абмяркоўвалася таксама пытанне вытворчасці ў Беларусі расийскіх тэстаў для выяўлення каранавіруса ў жывёл.
Прадстаўніца Рассельгаснагляду таксама нагадала, што расійская вакцына "Карнивак-Ков" з'яўляецца адзіным зарэгістраваным у свеце прафілактычным прэпаратам ад COVID-19 для жывёл.
