Расійскі лыжнік памёр падчас марафонскай гонкі “ветэранаў”
Расійскі лыжнік Андрэй Шамшурын памёр падчас марафонскай гонкі на чэмпіянаце свету сярод ветэранаў, якая праходзіла 26 студзеня ў амерыканскім штаце Мінесота. Як паведамляюць расійскія СМІ, 54-гадовы спартсмен амаль дабраўся да фінішу, яму заставался ўсяго некалькі кіламетраў дыстанцыі.
Прычына смерці не называецца.
Чэмпіянат свету сярод ветэранаў па лыжных гонках Masters World Cup 2018 праходзіў у Мінесоце з 19 па 26 студзеня. У ім маглі прымаць удзел лыжнікі старэйшыя за 30 гадоў любога спартовага разраду, як мужчыны, так і жанчыны. Расійскі лыжнік, які памёр на дыстанцыі, бег гонку ў 40 км.
