Актывісткі Femen прарваліся на чырвоную дывановую дарожку Берлінале
Здарэнне адбылося 7 лютага падчас адкрыцця Берлінскага кінафэсту.
Дзяўчаты прыйшлі на цырымонію пад выглядам простых кінааматараў, аднак раптам сарвалі з сябе вопратку, апынуўшыся топлес, паведамляе РБК са спасылкай на Berliner Morgenpost.
На чырвонай дывановай дарожцы Берлінале апынуліся 4 актывісткі скандальнай украінскай арганізацыі. Ахова здолела даволі хутка затрымаць дзяўчат і вывесці іх назад за бар'ер.
Як заявілі прадстаўніцы Femen, цяперашняя іх акцыя прысвечаная Міжнароднаму дню барацьбы з "жаночым абразаннем".
Фота — femen.org
