Аляксандр Лукашэнка прапанаваў апазіцыі "круглы стол"
За гэты ж круглы стол ён запрашае прадстаўнікоў Расіі і Еўрасаюза.
Такія заявы прагучалі ў панядзелак на нарадзе педагагічнага актыву Беларусі, перадаюць інфармацыйныя агенцтвы.
Кіраўнік краіны заявіў, што змагацца за свае погляды варта ў адкрытай дыскусіі. Па словах Лукашэнкі, для паспяховага, дынамічнага развіцця краіны патрэбныя не рэвалюцыя і не вулічная анархія, а згуртаванасць усіх грамадзян незалежна ад поглядаў і перакананняў, накіраванасць на канструктыўнае супрацоўніцтва. Будучыню Беларусі ён прапанаваў вырашаць не на плошчах і барыкадах, а шляхам дыялогу.
