Эксперты МАГАТЭ ацэняць, ці гатовая Беларусь будаваць АЭС
14 экспертаў у галіне атамнай энергетыкі будуць працаваць у Беларусі да 30 чэрвеня.
Разам з беларускімі адмыслоўцамі яны наведаюць пляцоўку, абраную для беларускай АЭС. Эксперты ацэняць ядзерную бяспеку, фармаванне неабходнай нарматыўнай прававой базы, уплыў на навакольнае асяроддзе, аварыйнае планаванне, падрыхтоўку кадраў для ядзернай энергетыкі.
Прысутнасць такіх місій у краінах, якія плануюць будаўніцтва першых АЭС, неабходная ў адпаведнасці з рэкамендацыямі МАГАТЭ, піша БелТА.
