FEMEN распрануліся каля храма Хрыста Збавіцеля ў Маскве (фота, відэа)
Актывісткі эпатажнага ўкраінскага руху правялі акцыю пад назвай “Божа, цара гані” у расійскай сталіцы.
Дзяўчаты вырашылі падтрымаць расійскія апазіцыйныя сілы, якія не прызнаюць вынікі галасавання ў парламент. Нагадаем, што на выбарах у Дзярждуму перамагла праўладная партыя “Адзіная Расія”. Украінкі распрануліся каля найвядомейшага маскоўскага храма. Такім чынам яны заклікалі ўсе нябесныя і зямныя сілы “спрыяць вальнадумнай Расіі і яе барацьбе з крамлёўскім самадзяржаўем”.
Актывісткам FEMEN удалося падмануць маскоўскую паліцыю і беспакарана правесці несанкцыянаваную акцыю ў цэнтры горада. Але адна з дзяўчат атрымала вывіх рукі ў выніку сутычкі з аховай.
Фота: femen.livejournal.com
