Хлопца, які цягаў за валасы кантралёра, затрымалі

Пра гэта Еўрарадыё паведамляюць у наваполацкай міліцыі.

Міліцыянт: "Злачынца знойдзены і арыштаваны. На яго пачалі крымінальную справу паводле артыкула 366. Праводзяцца аператыўна-вышуковыя мерапрыемствы па замацаванні, устаноўленыя відавочцы, яны апытваюцца. Збіраецца доказная база, каб справа была накіраваная ў суд".

Справу ўжо перадалі ў Следчы камітэт па Наваполацку. Хлопец, які цягаў кантралёра за валасы, быў абсалютна цвярозы, кажуць у міліцыі. Ён патлумачыў свой учынак тым, што заступіўся за дзяцей.

Цяпер яму пагражае штраф, альбо папраўчыя працы, ці арышт да 6 месяцаў. Магчымыя таксама абмежаванне ці пазбаўленне волі да 5 гадоў.

Гісторыя канфлікту: Кантралёра цягалі за валасы па аўтобусе з-за безбілетнага школьніка