Кампанія Heineken патлумачыла страйк на “Рэчыцапіва” “тэхнічнай памылкай”
Як заяўляюць у кампаніі, ніхто не збіраўся пазбаўляць рабочых бровара прэміяльных: іх проста спачатку няправільна падлічылі, таму і выплацілі з затрымкай.
Нагадаем, што 23 траўня зранку рабочыя аднаго з падраздзяленняў “Рэчыцапіва” спынілі працу на знак пратэсту супраць праблем з аплатай працы. Людзям не пералічылі прэміяльныя. У той жа дзень сітуацыя з выплатай грошай была ўрэгуляваная.
Цяпер кампанія Heineken, якой належыць рэчыцкі бровар, запэўнівае: будуць зробленыя ўсе намаганні, каб такія эксцэсы не паўтарыліся, паведамляе БелаПАН.
