Кіеўляне рыхтуюцца да моцнай паводкі
Згодна з прагнозамі, вада ў Дняпры падымецца да 3-5 метраў.
У суботу ўвечары замест снегу ва ўкраінскай сталіцы пайшоў дождж, а тэмпература паветра павысілася да +5 градусаў. Ад гэтага паскорылася раставанне снегу, якога намяло рэкордную колькасць.
Спецыялісты прагназуюць верагоднасць падтаплення левага берага гораду і часткі Падолу — найстаражытнейшага раёна Кіева. Болей за 70 падземных пераходаў можа заліць вадой, перадае РИА Новости.
