Le Monde: Беларусь не заслугоўвае, каб МВФ прыходзіў ёй на дапамогу
Пра гэта ў французскай газеце піша аглядальнік Джэйсан Буш.
На яго думку, у эканамічных праблемах Беларусі вінаваты выключна Аляксандр Лукашэнка. Таму ён перакананы, што МВФ павінен адмовіць Лукашэнку ў вылучэнні крэдыту. "Немінучы абвал можа паставіць пад пагрозу мінскі рэжым", — цытуе Буша Іnopressa.ru.
Аналітык адзначае, што дапамога МВФ толькі дапаможа падтрымаць рэжым і яго састарэлую эканамічную мадэль. Для адмовы ў дапамозе цалкам дастаткова адных эканамічных прычынаў, піша Буш. Ён нагадвае, што ў 2008 годзе Беларусь ужо звярталася ў МВФ, абяцаючы ў абмен на дапамогу правесці глыбокія рэформы, але, як толькі крызіс мінуў, Лукашэнка вярнуўся да ранейшай палітыкі. На яго думку, мала надзеі, што гэтым разам сітуацыя будзе іншай.
