Магілёўскіх студэнтаў перасцерагаюць ад выхаду на плошчу
Студэнтаў Магілёўскага дзяржуніверсітэту папярэдзілі наконт сённяшняй акцыі “Рэвалюцыя праз сацыяльныя сеткі”.
Акцыя мае адбыцца сёння а 19.00 на магілёўскай плошчы Леніна. Там, па словах студэнтаў, будуць прысутнічаць выкладчыкі МДУ на чале з рэктарам. Студэнтам было сказана, што КДБ будзе фіксаваць удзельнікаў на відэакамеры. Тыя маладыя людзі, якіх заўважаць на акцыі, будуць мець праблемы, паведамляе праваабарончы цэнтр “Вясна”.
