Магілёўскія абітурыенты на цэнтралізаваных тэстах адказалі матам
Два чалавекі не прайшлі цэнтралізаванае тэставанне, бо ў бланках адказаў выкарысталі нецэнзурную лексіку.
10 чалавек на ўсю вобласць выдалілі з памяшканняў за карыстанне мабільнымі тэлефонамі і аднаго — за калькулятар, паведамляе магілёўскі сайт 222.by.
Агулам з амаль 20 тысяч абітурыентаў, якія спрабавалі свае сілы ў тэставанні, толькі восем набралі максімальныя 100 балаў. Нуль балаў атрымалі 99 чалавек, прычым 92 з іх — па матэматыцы.
Як выявілася, горш за ўсё абітурыенты ведаюць фізіку і беларускую мову. Найлепшыя вынікі былі па геаграфіі і грамадазнаўстве.
Фота — vitbichi.by
