Міколу Статкевіча перавялі ў камеру з лепшымі ўмовамі
Гэтую інфармацыю палітвязень пацвердзіў свайму адвакату, з якім сустрэўся 9 лістапада.
Раней Статкевіча наведаў праваслаўны святар, распавяла Радыё Свабода жонка зняволенага Марына Адамовіч. Таксама яна распавяла пра рэакцыю адміністрацыі магілёўскай калоніі на скаргу Міколы Статкевіча, што ў турме не выдаюць туалетныя прыналежнасці. Пры гэтым грошы з яго пенсіі рэгулярна адлічаюць.
Адміністрацыя калоніі запэўніла, што з новага году зняволеным будуць выдаваць туалетную паперу, мыла ды іншыя прыналежнасці.
Былы кандыдат у прэзідэнты Мікола Статкевіч асуджаны на 6 гадоў зняволення за падзеі 19 снежня 2010 года. Ён адбыў у калоніі амаль траціну свайго тэрміну.
